Avvalroq, Davlat ekologiya qo‘mitasi raisi Narzulla Oblomurodovning jiyani Toshkent shaxar davlat ekologik ekspertiza markazi filialiga rahbar etib tayinlangani haqida xabarlar tarqalgan edi.

Ushbu mazmundagi xabar yuzasidan Qo‘mita matbuot xizmati tomonidan bu haqiqatdan yiroq ekani aytildi va quyidagilar ma’lum qildi.

Ta’kidlanishicha, Davlat ekologik ekspertizasi markazi tizimida bir necha yillardan buyon faoliyat yuritib kelayotgan Sh.Muminov Davlat ekologik ekspertizasi markazi Bosh direktorining buyrug‘iga asosan Davlat ekologik ekspertizasi markazining Toshkent shahar filiali direktori lavozimiga munosib nomzod topilgunga qadar direktor vazifasini vaqtincha bajaruvchi vazifasiga tayinlangan.

Qayd etilishicha, ushbu xodimning qo‘mita raisiga qarindoshlik aloqasi haqidagi vajlar haqiqatga to‘g‘ri kelmaydi.

“Fursatdan foydalanib, Davlat ekologiya qo‘mitasi shaxsning qadr-qimmati kamsitilishiga yoki uning obro‘sizlantirilishiga olib keladigan yolg‘on, asoslanmagan axborotni tarqatganlik uchun O‘zbekiston Respublikasi qonunchiligida tegishli javobgarlik normalari belgilanganligini eslatib o‘tadi”, – deyiladi xabarda.

• Ekologiya
• Ekopartiya