Qozog‘iston va O‘zbekiston hududidan o‘tuvchi “O‘rta Osiyo – Markaz” gaz quvuri orqali gaz tranzitini amalga oshirish uchun zarur bo‘ladigan texnik chora-tadbirlarni va o‘rganishni kelishib olindi.

Texnik jihatdan barcha ishlar yakunlagandan so‘ng, tabiiy gazni yetkazib berish bo‘yicha asosiy shartlar muhokama qilinadi.

“Olib borilgan muzokaralar hamda “Yo‘l xaritasi”da O‘zbekistonning mavjud gaz transporti tizimiga egalik huquqini to‘liq saqlagan holda ichki bozorga tabiiy gaz zarur miqdorlarda yetkazib berish maqsad qilingan. Bunda gaz transport tizimi kimgadir berilishi yoki suverenitetimizga qandaydir tahdid umuman yo‘q”, deyiladi vazirlik xabarida.

Avvalroq O‘zbekiston va “Gazprom” gaz sanoatida hamkorlik bo‘yicha “yo‘l xaritasi” imzolagani xabar bergan edik.

• Energetika_vazirligi
• Gazprom
• Rossiya