Özbekistonning turli hududlarida aholiga ajratilgan suyultirilgan gazni tijoriy narxda sotiş maqsadida noqonuniy saqlaş bilan boğliq yetti holat aniqlandi. Ularda jami 249 ta gaz ballonidagi 1 160 kilogramm gaz noqonuniy saqlangani ma’lum böldi. Bu haqda Davlat xavfsizlik xizmati xabar berdi.

Qayd etilişiça, 9-noyabr kuni DXX, Boş prokuratura, Içki işlar vazirligi, Favqulodda vaziyatlar vazirligi, “Özenergoinspeksiya” hamda “Hududgazta’minot” AJ xodimlari hamkorligida nazorat tadbirlari ötkazilgan. Aniqlangan holatlar orasida gaz ta’minoti tizimining ayrim xodimlari bilan boğliq qonunbuzilişlar ham bor.

Jumladan, Qoraqalpoğiston Respublikasida “Amudaryo tumangaz” bölimi suyultirilgan gaz xizmati çilangari tegişli hujjatlarsiz va yonğin xavfsizligi qoidalariga zid ravişda 104 ta gaz ballonini saqlab kelgani aniqlangan. Surxondaryo viloyatida “Şerobodtumangaz” bölimi haydovçisi yaşaş xonadonida 25 ta, Toşkent viloyatida esa “Quyiçirçiq tumangaz” bölimi gaz töldiriş şoxobçasi xodimi 3 ta gaz ballonini saqlagani qayd etilgan.

Şuningdek, Namangan şahrida 1986-yilda tuğilgan fuqaroning uyidan 20 ta, Qaşqadaryo viloyatining Kasbi tumanida esa 1974 va 1996-yillarda tuğilgan ikki fuqaroning xonadonlaridan jami 92 ta gaz balloni aniqlangan. Xorazm viloyatining Xonqa tumanida 1995-yilda tuğilgan fuqaro umumiy ovqatlaniş şoxobçasida aholiga ajratilgan 5 ta gaz ballonidan noqonuniy foydalangani hujjatlaştirilgan.

DXX ma’lumotlariga köra, 20-oktyabrdan buyon respublika böyiça jami 370 ta holatda 9 455 ta gaz balloni noqonuniy saqlanayotgani aniqlangan. Ulardagi suyultirilgan gaz miqdori 102 ming 158 kilogrammni taşkil etgan.