Turkiya prezidenti Toyib Erdo‘g‘an va Armaniston bosh vaziri Nikol Pashinyan telefon orqali o‘zaro munosabatlar va mintaqaviy masalalarni muhokama qildi. Bu haqda Turkiya prezidenti ma’muriyatining aloqa bo‘limi xabar berdi.

“Suhbatdoshlar Turkiya-Armaniston munosabatlari va mintaqaviy masalalarni muhokama qildilar. Suhbat chog‘ida ikki davlat rahbarlari mintaqada uzoq muddatli tinchlik va barqarorlikka erishish barcha mintaqa davlatlarining taraqqiyoti va farovonligiga xizmat qilishini ta’kidladilar”, – deyiladi xabarda.

Shuningdek, Erdo'g'an va Pashinyan bu yo'nalishdagi diplomatik sa'y-harakatlarni davom ettirishlarini bildirdi.

Turkiya va Armaniston oʻrtasida diplomatik aloqalar yoʻq, ikki davlat oʻrtasidagi chegara 1993-yildan beri Anqara tashabbusi bilan yopilgan. Mamlakatlar o‘rtasidagi murakkab munosabatlar, xususan, Anqaraning Qorabog‘ muammosida Ozarbayjon pozitsiyasini qo‘llab-quvvatlashi va Turkiyaning Usmonli imperiyasida 1915-yildagi armanlar genotsidini xalqaro tan olish jarayoniga keskin munosabati bilan bog‘liq bir qator holatlar tufayli yuzaga kelgan.

2022-yil yanvar oyida Moskvada Armaniston parlamenti raisi o‘rinbosari Ruben Rubinyan va Turkiyaning AQShdagi sobiq elchisi Serdar Qilich ishtirokida Armaniston va Turkiya o‘rtasidagi normallashuv jarayoni bo‘yicha maxsus vakillarning birinchi uchrashuvi bo‘lib o‘tdi. Rossiya TIV xabariga koʻra, muzokaralar chogʻida tomonlar konstruktiv, siyosiylashtirilmagan tarzda muloqot oʻtkazishga tayyor ekanliklarini koʻrsatgan. Shundan so‘ng, Venada yana uchta uchrashuv bo'lib o'tdi.

• Armaniston
• Erdogʻan
• Ozarbayjon
• Pashinyan