Eron parlament komissiyasi hijob to‘g‘risidagi qonunni buzganlik uchun jazoni kuchaytirishni ma’qulladi. Bu haqda mahalliy OAV xabar bermoqda.

Yangi qonun Konstitutsiya qo‘riqchilari kengashiga, konservativ ulamolardan tashkil topgan kuzatuvchi organga taqdim etiladi, deb yozadi manbalar.

“Qonun loyihasi 70 moddadan iborat boʻlib, hijob kiyishdan bosh tortgan ayollarga nisbatan ancha kattaroq jarimalar va uzoq muddatli qamoq jazolarini joriy etishni nazarda tutadi”, – deyiladi OAVda.

Demak, mashhurlarni ham, kompaniyalarni ham yangi jazolar kutmoqda. Bundan tashqari, sun'iy intellekt kiyinish qoidalarini buzganlarni aniqlashda ishtirok etadi.

Eronning amaldagi qonunchiligiga ko‘ra, hijob kiymagan qiz 10 kundan 2 oygacha qamoq jazosi yoki 50 000 dan 500 000 Eron riali (1 dan 10 yevro) miqdorida jarimaga tortilishi mumkin.

Shu bilan birga, yangi qonunlar to‘plamida 5 yildan 10 yilgacha qamoq jazosi, shuningdek, 360 million Eron riali (7,8 ming yevro)gacha jarima belgilanishi ko‘zda tutilgan.

• Eron
• hijob