Hindistonda bo‘lib o‘tgan ikki kunlik uchrashuvdan so‘ng G20 tashqi ishlar vazirlari hujjatning barcha bandlaridan ikkitasi bo‘yicha kelishuvga erisha olmadilar. Bu haqda Hindiston tashqi ishlar vaziri Subramanyam Jayshankar matbuot anjumani chog‘ida ma'lum qildi.

Qayd etilishicha, hujjat bandlari yaqin orada G20 raisining xulosasi sifatida e’lon qilinadi.

“Xulosa qilib aytadigan bo‘lsak, biz tez orada e’lon qiladigan natijalar taxminan 95 foiz, qanday kelishuv bo‘lganini endi ko‘rishingiz mumkin. Faqat ikkita nuqtada biz kelishuvga erisha olmadik. Tomonlar ko‘p jihatdan umumiy fikrga kela olishdi”, – deydi Jayshankar.

Ta’kidlanishicha, Hindiston G20 tashqi ishlar vazirlari uchrashuvidan so‘ng yig‘ilishning kutilgan kommunikesi o‘rniga raislik xulosasini qabul qildi.

Eslatib o‘tish mumkin, 1-2-mart kunlari Yangi Dehli shahrida G20 tashqi ishlar vazirlarining yig‘ilishi bo‘lib o‘tdi. Unda guruhga a’zo mamlakatlar tashqi ishlar vazirlari, shuningdek, Hindiston tomonidan maxsus taklif etilgan vazirlar va xalqaro tashkilotlar ishtirok etgan.

Hindiston avvalroq Nigeriya, Birlashgan Arab Amirliklari, Ummon, Singapur, Ispaniya, Bangladesh, Misr, Mavrikiy va Niderlandiya vazirlarini sammitga taklif qilgan edi.

Hindiston G20 raisligini o‘tgan yilning 1 dekabrida qabul qilgan. Yangi Dehli o‘z raisligi davrida 200 dan ortiq guruh yig‘ilishlarini o‘tkazadi, biroq TIV uchrashuvi 9-10 sentyabr kunlari Hindiston poytaxtida bo‘lib o‘tadigan G20 yetakchilarining yakuniy sammiti oldidan eng muhim tadbirlardan biri bo‘lib, shundan so‘ng raislik Braziliyaga topshiriladi.

• G20
• Hindiston
• Xitoy
• sammit