Qirollik tashqi ishlar vazirligi juma kuni kechqurun 11-noyabr kuni favqulodda sammitga mezbonlik qilishini ma’lum qilgan edi. Bugun islom va arab dunyosi davlatlari G‘azodagi yomonlashgan vaziyatni muhokama qilish uchun yig‘ildi, deb xabar berdi Al-Jazira nashri.

Vazirlik ma’lumotlariga ko‘ra, qo‘shma yig‘ilish mamlakatlar sa’y-harakatlarni birlashtirish va yagona jamoaviy pozitsiyani yaratish hamda G‘azo sektorida yuz berayotgan holatlarga yaxlit yechim topish uchun o‘tkazilmoqda.

IHTga islom olamining turli mamlakatlaridagi a’zo davlatlar, jumladan, Falastin hududiga qo‘shni Misr va Iordaniya, Livan, Turkiya va Iroq kiradi.
Eron, agar Isroil hujumlarini to‘xtatmasa, urush ko‘lami kengayishi haqida qayta-qayta ogohlantirmoqda. Ar-Riyoddagi yig‘ilishga Eron prezident Ibrohim Raisi tashrif buyurdi. Bu Eron prezidentining 11-yil ichida birinchi tashrifi bo‘ldi.

Eron rahbari shanba kuni Ar-Riyodga jo‘nab ketish oldidan:“G‘azo so‘z maydoni emas. Bu yer harakat maydoniga aylanish vaqti keldi. Hozirda G‘azoda sionistik rejim tomonidan amalga oshirilayotgan vahshiyliklar insoniyatga qarshi jinoyatlarning yaqqol misolidir. Amerikaliklar o‘z so‘zlari va xabarlarida urush ko‘lami kengayishini istamasliklarini aytishmoqda, ammo bu da’vo hech qanday tarzda ularning harakatlariga mos kelmayapti. Negaki, Isroilning urush mashinasi uchun yoqilg‘ini AQSh ta’minlab turibdi", deya o‘zining ochiq pozitsiyasini bildirgan.

• Eron
• Falastin
• Iordaniya
• Isroil
• Liviya
• Saudiya Arabistoni
• Suriya
• sammit