Ma’lumotlarga ko‘ra, Gʻazo sektoriga berilgan zarbalar natijasida 12,3 mingdan ortiq odam halok boʻlgan.

Jumladan, olti ming bola, 3,3 ming ayol vafot etgan. 30 mingdan ortiq jarohat olganlarning 75 foizidan ortigʻini ayollar va bolalar tashkil qilgan. Shifoxonalar nishonga olinishi natijasida 25 ta kasalxona va 52 ta sogʻliqni saqlash markazlari ishdan chiqqani tasdiqlangan.

18-noyabr kuni Isroil mudofaa kuchlari mintaqaning shimolidagi Al-Faxur maktabiga zarba bergani aytilmoqda. Gʻazo sektori sogʻliqni saqlash vazirligining maʼlumotlariga koʻra, hujum natijasida kamida 50 kishi halok boʻlgan. Hukumatning soʻnggi maʼlumotlariga koʻra esa, Isroilda 1,2 mingga yaqin odam halok boʻlgan. Falastin sogʻliqni saqlash vaziri Mey Kayle Gʻazo sektorida 35 ta kasalxonadan 20 tasi yoqilgʻi va tibbiy materiallar tugaganligi sababli oʻz faoliyatini toʻxtatganini aytgan.

• Falastin
• Isroil
• Urush