7-oktyabrdan beri Isroilning Gʻazo sektoriga uyushtirgan hujumi natijasida taxminan 16 314 nafar falastinlik bola halok boʻlgan. Bu haqda G‘azo hukumati matbuot bo‘limi xabar berdi.

Gʻazo hukumati matbuot boʻlimi Isroilning anklavga 300 kunlik hujumlari munosabati bilan qilgan bayonotida, qurbonlar orasida Isroilning anklavdagi blokadasi tufayli ochlikdan oʻlgan 35 nafar bola ham borligi ta’kidlandi.

Isroil hujumida 10 980 nafar ayol, 885 nafar tibbiyot xodimi, 165 nafar jurnalist va 79 fuqaro mudofaa xodimi halok boʻlganligi qo‘shimcha qilindi.

Mahalliy sogʻliqni saqlash idoralari maʼlumotlariga koʻra, urush boshidan beri 39 500 ga yaqin falastinlik oʻldirilgan, ularning asosiy qismini ayollar va bolalar tashkil qiladi. Shuningdek, 91 000 dan ortiq kishi ogʻir yaralangan.

Bundan tashqari, Gʻazoning katta hududlari vayronaga aylangan. Oziq-ovqat, toza suv va dori-darmon toʻsib qoʻyilgan.

• Falastin
• Isroil