Isroil G‘azo sektorida XAMASga qarshi jangovar operatsiyalarni qayta boshladi. Isroil hukumati kecha kunduzi Quddusda sodir etilgan terakt hamda o‘zining hududidan uchuvchisiz samolyot uchirilishi G‘azoning sulhga amal qilmaganini anglatadi, degan tashxis bilan bugun G‘azo sektoriga zarba berdi, oqibatda bir necha kishi halok bo‘ldi.

Jangovar harakatlarni qayta boshlashga XAMAS birinchi bo‘lib raketa hujumi uyushtirgani, bu esa sulhga zid ekani sabab sifatida ko‘rsatildi.

1-dekabr kuni ertalab XAMAS guruhi G‘azo sektori bilan chegarada joylashgan Isroil aholi punktlariga raketa hujumini uyushtirdi, deb yozmoqda “Meduza” The Times of Israel nashriga tayanib.

Bildirilishicha, raketa havo hujumidan mudofaa vositalari tomonidan urib tushirilgan. Qurbonlar va vayronagarchiliklar haqida maʼlumotlar mavjud emas.

XAMAS harbiy operatsiya bo‘yicha tanaffusni buzdi va Isroil hududiga ham o‘t ochdi. Isroil G‘azo sektorida XAMASga qarshi jangovar operatsiyalarni qayta boshladi, — deyiladi Isroil mudofaa kuchlari bayonotida.

«RIA Novosti»ning yozishicha, juma kuni ertalab Isroilning G‘azoga bergan zarbalari oqibatida olti kishi halok bo‘ldi, o‘nlab kishilar yaralandi.

Isroil va XAMAS o‘rtasidagi sulh bitimi 24 noyabr kuni kuchga kirgan va olti kun davom etdi. Kelishuv doirasida tomonlar o‘t ochishni to‘xtatish rejimini saqlashga vaʼda bergan. Bundan tashqari, XAMAS G‘azoda garovga olinganlarning bir qismini, Isroil hukumati esa bir necha falastinlik mahbuslarni ozod qilgan.

• Falastin
• Isroil