Amerikaning mashhur “Simpsonlar” multseriali shu paytga qadar o‘zining turli xildagi bashoratlar aks etgan epizodlari bilan muxlislarni hayratda qoldirib kelgan. “Simpsonlar” multseriali 1989-yildan boshlab efirga uzatila boshlangan. Animatsiya 31 ta mavsum va 677 ta qismdan iborat. 1998-yilda Times jurnali “Simpsonlar”ni XX asrning eng yaxshi teleseriali deb atadi.
Multserialning ko‘plab epizodlarida kelajakda ro‘y beruvchi mashhur voqea va hodisalar bashorat qilingan. Bu qanchalik haqiqat? Hozir ushbu animatsiyadagi eng hayratlanarli epizodlar haqida ma’lumot beramiz.
Aqlli soatlar
“Simpsonlar”ning 1995-yilda efirga uzatilgan qismlaridan birida bosh qahramonlardan biri Liza 15 yil oldinga, ya’ni 2010-yilga sayohat qilish uchun folbinga boradi va ushbu epizodda aqlli qo‘l soati ko‘rsatib o‘tiladi. Biroq zamonaviy soatlar 2010-yildan emas, balki 2014-yildan ishlab chiqarilishi boshlangan. Balki multserial ixtirochilar uchun tayyor g‘oya vazifasini o‘tagandir.
Ebola virusi
Multserialning 1997-yilda taqdim etilgan 9-mavsumida serial qahramonlaridan biri tushkunlikka tushgan o‘g‘liga Ebola virusi haqidagi kitobni o‘qishni maslahat beradi. Oradan 16 yil o‘tgach Afrikaning bir qator G‘arbiy mamlakatlarida ushbu virus avj oldi.
Zigfrid va Roy
Turli xil ko‘ngilochar chiqishlari bilan mashhur bo‘lgan Zigfrid va Roy dueti 1993-yilgi mavsumda eslab o‘tilgan. Epizodlardan birida ularga oq yo‘lbars hujum qiladi. Haqiqiy hayotda esa 2003-yilgi chiqishlardan birida oq bengal yo‘lbarsi Royga hujum qilib uning tomog‘ini tishlab oladi.
Trampning prezident bo‘lishi
Amerikaning sobiq prezidenti Donald Trampning hukumatga kelishidan 16 yil oldin “Simpsonlar” multserialida ushbu voqea bashorat qilingan. 2000-yil taqdim etilgan 11-mavsumda Tramp AQSh prezidenti sifatida ko‘rsatilgan.
“Titan” batiskafining cho‘kishi
Yaqinda sodir bo‘lgan ushbu hodisa ham ko‘plab insonlarda shubha uyg‘otdi. OceanGate kompaniyasiga tegishli “Titan” batiskafi bir nechta milliarderlarni suv ostiga o‘zi bilan olib ketdi. Bundan asosiy maqsad cho‘kib ketgan Titanik kemasiga sayohat uyushtirish edi. 2006-yilda efirga uzatilgan “Simpsonlar” multserialida ushbu voqeaga o‘xshash epizod borligi ma’lum bo‘ldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!