Podadan ajralib qolgan bir tishli yovvoyi erkak fil o‘zini juda tajovuzkor tutmoqda va yanvar oyi boshidan beri Sharqiy Jarkhand shtatining o‘rmon va shahar atrofidagi hududlarida odamlarga hujum qilmoqda.

Hayvon taxminan o‘n kun ichida, asosan kichik qishloqlar va dalalarda, shu jumladan tunda kamida 22 kishini o‘ldirgan. NYP xabariga ko‘ra, halok bo‘lganlar orasida bolalar ham bor.

Shuningdek, fil yana o‘nlab odamlarni jarohatlagan. Mutaxassislar fikricha, filning tajovuzkorligi erkak fillarda yuqori gormon darajasiga ega bo‘lgan tabiiy biologik sikl bilan bog‘liq.

Filni qidirib topish va zararsizlantirish jarayoni muvaffaqiyatsiz yakunlangan. Rasmiylar halok bo‘lganlarning oilalariga tovon puli va’da qilib, mahalliy aholidan ehtiyot choralarini kuchaytirishni so‘ragan.

Biroq vaziyat hanuz tarangligicha qolmoqda, mahalliy aholi esa ehtimoliy yangi hujumlar xavfi ostida yashamoqda.