Shveysariyaning g‘arbiy qismidagi kichik shaharchada avtobus yong‘inida kamida 6 kishi halok bo‘ldi. Bu haqda The Associated Press xabar berdi.

Xabarga ko‘ra, voqea kecha, 10-mart kuni sodir bo‘lgan. Fribourg shahar politsiyasining ma’lumotiga ko‘ra, avtobus Shveysariya poytaxti Berndan taxminan 20 km uzoqlikda joylashgan Fribourg kantonidagi Kerzers shaharchasidagi yo‘lda alanga ichida qolgan.

“Hozirgi bosqichda avtobus ichida bo‘lgan shaxs tomonidan qasddan qilingan harakatni ko‘rsatuvchi elementlar mavjud”, – degan Fribourg politsiyasi vakili Frederik.

Yong‘in oqibatida kamida olti kishi halok bo‘lgan va yana uch kishi kasalxonaga yotqizilgan.

Shveysariya Prezidenti Gay Parmelin hamdardlik bildirib, voqea tergov qilinayotgani haqida xabar bergan.

• Avtobus
• Shveysiya
• yong‘in