Yog‘ochdan yasalgan dunyodagi birinchi sunʼiy yo‘ldosh yapon tadqiqotchilari tomonidan yaratilgan. Loyihani ishlab chiqishda Kioto universiteti va Tokiodagi yog‘ochni qayta ishlash kompaniyasi ishtirok etdi. Qurilma ustida ishlash to‘rt yil davom etgan.

Ishlab chiquvchilarning aytishicha, ularning qo‘shma loyihasi kosmik va yog‘ochni qayta ishlash sanoati uchun qimmatli qadam bo‘lgan. Sunʼiy yo‘ldoshni yaratuvchilarning fikricha, ularning ishi yog‘ochdan foydalanish uchun yangi imkoniyatlar ochadi. Bundan tashqari, Yerga qaytib kelganda, bunday qurilma atmosferaga kirganda butunlay yonib ketadi va atrof-muhitga zarar yetkazmaydi.

Sunʼiy yo‘ldosh kub shaklida bo‘lib, tomonlari 10 santimetr, qalinligi 4-5,5 millimetr va og‘irligi taxminan bir kilogramm. U magnoliya yog‘och panellaridan qilingan hamda qisman alyuminiydan qilingan ramkaga ega. Shuningdek, unga quyosh panellari biriktirilgan. Qurilma vintlarsiz yoki yopishtiruvchi moddalarsiz yaratilgan.

Sunʼiy yo‘ldosh Yaponiya aerokosmik tadqiqotlar agentligiga topshiriladi va Floridadagi Kennedi koinot markazidan Xalqaro kosmik stansiyaga uchiriladi, deb xabar beradi Kyodo.

Ilgari rossiyalik olimlar o‘ta kichik kosmik kemalar, jumladan, og‘irligi 10 grammdan kam bo‘lganlar uchun manevr dvigatellarini ishlab chiqdilar.

• Yaponiya