Elektromobillar ishlab chiqaruvchisi asoschisi Ilon Mask o‘zining Twitter’dagi sahifasida kompaniya 30-sentabrgacha odamsimon Optimus robotini taqdim etishini yozdi.

“Tesla AI kuni 30-sentabrga ko‘chirildi, chunki bizda Optimus prototipi namoyish etiladi”, deb yozadi  Mask Twitter’da. 

Ilon Maskning so‘zlariga ko‘ra, robot dastlab oddiy vazifalarni, jumladan, ishlab chiqarishni bajarish uchun dasturlashtiriladi. Tesla vaqt o‘tishi bilan robotni yanada kengroq vazifalarni bajarishi uchun optimallashtirishni rejalashtirmoqda. 

Optimus – bu inson shaklidagi robot bo‘lib, hozirda Ilon Mask uning ustida ishlamoqda. Qurilma global ishchi kuchi taqchilligi muammosini hal qilish uchun mo‘ljallangan. 

Avvalroq, Ilon Mask odamsimon robot yaratish niyati ekanligini ma’lum qilgandi. Milliarderning so‘zlariga ko‘ra, odamsimon robot evolyutsiyaga kirisha oladi. “Vaqt o‘tishi bilan u o‘ziga xos shaxsiyatni rivojlantira oladi. Bu barcha robotlar bir xil bo‘ladi, degani emas. Har bir insonning shaxsiyati egasiga yaxshiroq moslashish uchun rivojlanadi”, deydi tadbirkor.

• AQSh
• Ilon_Mask
• Tesla
• robot