Rossiya Federal xavfsizlik xizmati (FXX) Rostov viloyati boshqarmasi jazoni ijro etish koloniyasida uch nafar O‘zbekiston fuqarosi “sodir etmoqchi bo‘lgan teraktning” oldi olinganini ma’lum qildi, – deya xabar bermoqda “RIA Novosti”.

Rossiya FXX ma’lumotiga ko‘ra, gumondorlar Rossiya va bir qator mamlakatlarda taqiqlangan IShID terrorchilik tashkiloti tarafdorlari bo‘lib, ularning uchalasi ham og‘ir jinoyatlar sodir etgani uchun jazo muddatini o‘tayotgan bo‘lgan.

“Gumondorlar muassasa xodimlarini garovga olib, koloniya binolariga o‘t qo‘ymoqchi bo‘lgan. Ular batafsil harakat rejasini ishlab chiqqan, ammo uni amalga oshirishga ulgurmagan. Tintuv chog‘ida ulardan terrorchilik tashkiloti bayrog‘i tasviri tushirilgan mato bo‘laklari va tig‘li buyumlar topilgan”, –  deyiladi FXX bayonotida.

• Jinoyat
• Mahkum
• Rossiya
• Terakt