Isroil bosh vaziri Binyamin Netanyaxu Isroil delegatsiyasining 15-avgust kuni Qatar poytaxti Dohada bo‘lib o‘tadigan G‘azo sektori bo‘yicha muzokaralarda ishtirok etishini tasdiqladi. Bu haqda Isroil hukumati xabar berdi.

Unga ko‘ra, bosh vazir Binyamin Netanyaxu Isroil delegatsiyasining ertaga Dohaga jo‘nab ketishini va muzokaralar uchun mandatni ma’qullagan.

Netanyaxuning ofis maslahatchisi Dmitriy Gendelmanning Telegram’dagi kanalida xabar berishicha, delegatsiya tarkibiga “Mossad” rahbari David Barnea, Bosh xavfsizlik xizmati rahbari Ronen Bar, shuningdek, garovga olinganlarni almashish koordinatori Nitzan Alon va bosh vazirning xalqaro masalalar bo‘yicha maslahatchisi Ofir Falk kiradi.

Eslatib o‘tamiz,  Misr, Qatar hamda AQSH Isroil va HAMAS harakatini 14—15-avgust kunlari o‘t ochishni to‘xtatish bo‘yicha muzokaralarni davom ettirishga chaqirgandi. Shuningdek, uch mamlakat yetakchilari kelishuvga erishish uchun yakuniy taklifni taqdim etishga tayyor ekanligini bildirgan.

• Falastin
• Isroil