Isroil havo kuchlarining G‘azo sektoriga hujumi natijasida kamida uchta falastinlik halok bo‘lgan, yana 15 kishi yaralangan. Bu haqda Falastin fuqaro mudofaasi instituti bayonotida aytilgan.

Xabarga ko‘ra, G‘azo shahrining shimolidagi Shayx Rizvan tumanidagi Sehviel Falastin oilasining uyi o‘qqa tutilgan. 2023-yil 7-oktyabrdan beri Isroilning blokirovka qilingan G‘azo sektorida davom etayotgan hujumlarida halok bo‘lgan falastinliklar soni 38 mingdan oshgan. Bu haqda avvalroq G‘azo sektoridagi Falastin sog‘liqni saqlash vazirligi xabar bergan edi.

Qurbonlar orasida 15 694 nafar voyaga yetmagan va 10 279 nafar ayol bor. 87 705 nafar eksklav aholisi yaralangan. Vayron bo‘lgan binolar ostida va yo‘l chetlarida hali ham halok bo‘lganlarning jasadlari borligi aytilmoqda.

• Falastin
• Isroil
• Urush