“Ikki falastinlik mahbus Isroil qamoqxonalarida vafot etdi”, – deya xabar beradi Falastin mahbuslar bilan ishlash tashkiloti.

Qo‘shma bayonotda Falastin mahbuslar komissiyasi va Falastin mahbuslar jamiyati ishg‘ol qilingan G‘arbiy sohilda Nablusdan 61 yoshli Sami Alivi va G‘azolik 44 yoshli Anvar Aslimning o‘limini tasdiqladi.

2023-yil 21-oktyabrdan beri hibsda bo‘lgan Alivi 2024-yil 6-noyabrda Ramla qamoqxona klinikasidan Isroilning Saveroff kasalxonasiga ko‘chirilganidan olti kun o‘tib, Aslim esa payshanba kuni vafot etgan.

Falastin o‘limlarni qoralab, buni, “Isroil qamoqxonalari tizimli siyosati”ning bir qismi deb atadi.

XAMAS Isroil qamoqxonalaridagi falastinlik mahbuslarni himoya qilish uchun zudlik bilan choralar ko‘rishni talab qiladi.

Alivi va Aslimning vafotini qo‘shib hisoblaganda 1967-yildan beri Isroil qamoqxonalarida vafot etgan falastinlik mahbuslar soni 280 taga yetdi, yana o‘nlab odamlarning shaxsiyati va o‘lim sabablari Isroil hukumati tomonidan oshkor qilinmaydi.

Falastin tomon bergan ma’lumotlarga ko‘ra, 2023-yil 7-oktyabrdan beri Isroil qamoqxonalarida kamida 43 mahbus vafot etgan. Noyabr oyi boshida olingan ma’lumotlarga ko‘ra ayni paytda Isroil qamoqxonalarida 10 200 dan ortiq falastinlik mahbuslar mavjud.

• Falastin
• Isroil