Isroil harbiy kuchlari G‘azo sektoridagi Al-Shifo kasalxonasi XAMAS jangarilari uchun maxfiy qarorgoh bo‘lgan. Shu sababli ular kasalxonalarni tinimsiz o‘qqa tutishmoqda. Ammo XAMAS qarshi harakar guruhi bu iddaoni rad edtishni davom etib kelmoqda. Xususan, kechagi bayonot vaqtida ham isroillik asirlar hujumlar oqibatida yaralangani bois kasalxonaga olib borilganini ma’lum qilgan.

XAMASning qo‘shimcha qilishicha, yaralangan isroillik asirlarning sog‘lig‘i doimiy nazoratda bo‘lib, ular shifoxonalarda davolantirilib, shundan so‘ng “qamoqxona”ga qaytarilmoqda. Shuningdek, harakatning harbiy qanoti Al-Qassam brigadasi allaqachon e’lon qilganidek, bir qancha asirlarni o‘ldirganini aytdi.

Brigada matbuot kotibi Abu Ubayda noyabr oyi boshida rejimning blokadadagi hududga to‘xtovsiz havo hujumlari uyushtirgani sababli G‘azo sektoridagi 60 nafardan ortiq isroillik asirning yo‘qolganini ma’lum qildi. Uning qo‘shimcha qilishicha, 23 nafar asirning jasadi ham Isroil zarbalari oqibatida portlagan binolar tagida qolib ketgan.

G‘azo Sog‘liqni saqlash vazirligi ma’lumotlariga ko‘ra, hozirgacha kamida 13 ming falastinlik, shulardan 5 ming nafardan ortiq bolalar halok bo‘lgan, 30 ming nafarga yaqin odam jarohat olgan.

• Falastin
• Isroil
• Urush
• hujum