2023-yil 7-oktyabrdan beri Isroilning G‘azo sektoriga uyushtirgan hujumlarida halok bo‘lgan ommaviy axborot vositalari xodimlari soni 133 nafarga yetdi. Bu haqda “Anadulu” xabar berdi.

G‘azo hukumati matbuot xizmati xabariga ko‘ra, bloklangan eksklavda yana bir OAV xodimi Isroil agressiyasi qurboniga aylangan.

Matbuot xizmatining aniqlik kiritishicha, “Al-Aqsa” telekanali spikeri Muhammad Salame Dayr al-Baloh shahridagi uylardan biriga berilgan zarba paytida halok bo‘lgan.

G‘azo ma’murlari avvalroq Isroil “Falastin ovozini o‘chirish, faktlarni yashirish hamda yangiliklar va ma’lumotlarning mintaqaviy va xalqaro jamoatchilikka yetib borishiga yo‘l qo‘ymaslik uchun” G‘azodagi ommaviy axborot vositalari xodimlarini ataylab nishonga olayotgani haqida xabar bergan edi.

• Falastin
• Isroil
• jurnalist