Suriya davlat axborot agentligining xabar berishicha, Isroil havo kuchlarining Suriya markaziga bergan zarbalari natijasida kamida besh kishi halok bo‘lgan, 19 kishi esa yaralangan.

Qayd etilishicha, havo kuchlarining zarbalari yakshanba kuni kechqurun Xama viloyatining Masyaf shahri yaqinida amalga oshirilgan. Biroq, Isroil armiyasi bu xabarlarga izoh bergani yo‘q.

Sana agentligining ma’lum qilishicha, yakshanba kuni soat 23:20 atrofida Isroil Livanning shimoli-g‘arbiy qismidan markaziy mintaqadagi bir qator harbiy nishonlarga havo hujumini uyushtirgan.

Shuningdek, Buyuk Britaniyada joylashgan Suriya Inson huquqlari observatoriyasi yetti kishining o‘limi va 15 nafar kishining jarohatlangani haqida xabar berdi.

• Isroil
• Suriya