Respublikamizda iyun oyining birinchi besh kunligida asosan yog‘ingarchiliksiz ob-havo bo‘lishi kutilmoqda. Bu haqda “O‘zgidromet” xabar berdi.

Ma’lum qilinishicha, faqat ayrim tog‘oldi va tog‘li hududlarda 4-5-iyun kunlari qisqa muddatli yomg‘ir yog‘ishi, momaqaldiroq bo‘lishi mumkin. Harorat kechalari 14-19 daraja, kunduzi 28-33 daraja, ba’zi joylarda esa 35 darajagacha, janubda va cho‘l hududlarda 37 darajagacha issiq bo‘ladi.

Jumladan, 6-10-iyun oralig‘idagi ayrim kunlarda qisqa muddatli yomg‘ir yog‘ishi, momaqaldiroq bo‘lishi mumkin. Harorat kechalari 14-19, kunduzi 28-33, shimolda va cho‘l hududlarda 35-37 darajagacha issiq bo‘ladi.

Ikkinchi va uchinchi o‘n kunliklarda harorat asosan kechalari 15-20, kunduz kunlari 33-38, janubda va cho‘l hududlarda 40 darajagacha issiq bo‘ladi. Oyning ikkinchi o‘n kunligida qisqa muddatli yomg‘irlar yog‘ishi ehtimoli ko‘p.

• Ob-havo
• O‘zgidromet