Meta kompaniyasi (Facebook, Instagram, WhatsApp, Threads) O‘zbekistonda o‘z vakolatxonasini ochishni rejalashtirmoqda. Bu haqda Istiqbolli loyihalar milliy agentligi (ILMA) xabar berdi.

7-oktyabr kuni agentlikda Meta vakillari bilan uchrashuv bo‘lib o‘tdi. Unda kompaniyaning Janubiy va Markaziy Osiyo, Gonkong, Tayvan, Mo‘g‘uliston kabi mintaqalar uchun mas’ul rahbarlari ishtirok etdi.

Uchrashuvda O‘zbekistonda vakolatxona ochish, reklama sohasida hamkorlik qilish, firibgarlikning oldini olish, kontent monetizatsiyasi va raqamli ijodkorlarni qo‘llab-quvvatlash masalalari muhokama qilindi.

Tomonlar foydalanuvchi xavfsizligi, reklama shaffofligi va raqamli xulq-atvorni targ‘ib qilish bo‘yicha doimiy muloqot va tajriba almashish zarurligini ta’kidlashdi.

Meta va ILMA o‘zaro hamkorlikni davom ettirishga kelishib olishdi.

• Facebook
• Instagram
• Meta
• WhatsApp