O‘zbekiston Prezidenti Shavkat Mirziyoyev Rossiya Prezidenti Vladimir Putinga 73 yoshini nishonlayotgani munosabati bilan qo‘ng‘iroq qilib, uni samimiy tabrikladi. Bu haqda Prezident matbuot xizmati xabar berdi.

Suhbatda Mirziyoyev Putinga mustahkam sog‘lik, baxt va muvaffaqiyatlar, Rossiya xalqiga esa ravnaq tiladi. Tomonlar O‘zbekiston-Rossiya strategik sherikligi va ittifoqchilik munosabatlarini yanada rivojlantirish masalalarini muhokama qildilar.

Tovar ayirboshlash hajmini oshirish, sanoat, energetika, qishloq xo‘jaligi kabi sohalarda hamkorlik loyihalarini ilgari surish hamda hududlar o‘rtasidagi biznes aloqalarni kengaytirish muhimligi ta’kidlandi.

Shuningdek, madaniy-gumanitar almashinuvlar faollashgani qayd etilib, xalqaro va mintaqaviy masalalar ham muhokama qilindi.

Ma’lumot uchun, Vladimir Putin 1952-yil 7-oktyabrda Sankt-Peterburgda tug‘ilgan.

• Mirziyoyev
• Putin
• Rossiya