Turkiyalik aktyor Kadir Dogʻulu rafiqasi Neslihan Atagulning nima uchun ekranlarda koʻrinmay qolgani sababini aytdi. Uning maʼlum qilishicha, aktrisa yaqin oʻrtada seriallarda suratga tushmaydi.

“Gap shundaki, biz Neslihan bilan navbatma-navbat ishlashga kelishib olganmiz. Men yarim yil ishlamadim, endi esa seriallarda suratlarga tushishni boshladim. Suratga tushish jarayonida loyihaga butunlay singib ketamiz, sutkalab suratga olish ishlari bilan band boʻlishimiz mumkin. Oilaviy juftlikning xar ikki aʼzosi bir vaqtda suratga tushadigan boʻlsa, oilaning mavjud boʻlib qolishi mumkin emas. Biz birgalikda ishlaydigan boʻlsak, deyarli uchrashmaymiz. Hozir mening ishlash navbatim keldi, Neslihan esa bu vaqtda dam oladi”, dedi Kadir.

Eslatib oʻtamiz, Neslihan Atagul salomatligi bilan bogʻliq muammolar tufayli “Elchining qizi” serialini tark etgach, yangi loyihalarga qoʻl urmagan. Bu esa muxlislarning xavotiriga sabab boʻlgan.

Kodir Dogʻuluning aytishicha, bunday ishlash tartibi oilani saqlab qolish uchun qabul qilingan ongli qaror hisoblanadi.

• Kino
• mashhurlar