“Karib dengizi qaroqchilari” prodyuseri Jerri Bryukxaymer “Karib dengizi qaroqchilari: Qora marvaridning la’nati” filmi muallifi Ted Elliotning navbatdagi serial ustida ishlashga qaytishini ma’lum qildi.

Brukxaymer tafsilotlar haqida gapirmadi, lekin ssenariy faol yozilayotganiga ishontirdi. "Ted Elliott bizga ishda yordam beradi. U qahramonlarni juda yaxshi biladi", - deya izoh berdi Brukxaymer.

Tomoshabinlar hali ham Jonni Deppning Jek Chumchuq obrazini yaxshi ko‘rishsa-da, uning sobiq rafiqasi Amber Xerd bilan yaqinda o‘tkazilgan sud aktyorning ushbu filmga qaytishini shubha ostiga qo‘yadi. Bundan tashqari, Depp avvalroq 300 million dollarlik gonorar evaziga ham dengiz qaroqchisi roliga qaytmasligini aytgan edi .

Ma’lumot uchun, filming ilk yaratuvchisi rejissyor Gor Verbinski edi. Loyihada Jonni Depp, Jefri Rush, Orlando Bloom, Keira Naytli, Jek Devenport, Jonatan Pris, Li Arenberg, Makkenzi Kruk ishtirok etishgan. Filmlar butun dunyo bo'ylab muvaffaqiyatga erishgan.

• Kino
• aktyor
• qiziqarli