“Heritage Auctions“ kimoshdi savdo uyi tomonidan “Kelajakka qaytib” filmi yozilgan videokassetaning ochilmagan nusxasi 75 ming AQSh dollariga sotildi.

Kasettada aktyor Tom Uilsonga tegishli yozuvlar ham boʻlgan. Uilson filmda Biff Tannen rolini ijro etgan.

“Ushbu VHS kassetasi “Kelajakka qaytib” filmi taqdim qilingan vaqtda menga studiya tomonidan yuborilgan. VHS platformasining umri uzoq boʻlishini har doim bilganman, shuning uchun ham kassetani tomosha qilishni keyinroqqa qoldirganman. Endi esa videomagnitofonimni topa olmayapman. Undan siz zavqlaning”, deb yozgan aktyor.

Kimoshdi savdosida 70-80-yillarning 260 tadan ortiq hali ochilmagan VHS-kassetalari sotilgan. “Kelajakka qaytib” filmi esa bunday formatda sotilgan lotlar orasida qiymati boʻyicha eng yuqori koʻrsatkichni qayd etgan.

• Auksion
• Kino