Checheniston rahbari Ramzan Qodirov o‘zining yaqin qarindoshlarini respublika hukumatidagi yuqori lavozimlarga tayinlangani haqidagi tanqidlarga munosabat bildirdi. Bu haqda uning shaxsiy Telegram kanaliga joylagan postida gap boradi.

“Turli “siyosatshunoslar” va “mutaxassislar” (aniqrog‘i, qo‘shtirnoq ichida) mening qarindoshlarim orasidan tayinlanagn davlat xizmatchilari haqida gap ketganda Qonun haqida gapirishni yoqtirishadi. Ochkin va Samonkin kabilarning malakasi bir tiyinga ham arzimaydi. Ularning dahshatli hikoyalarini tinglang, aytishlaricha mintaqadagi yuz minglab xodimlar orasida mening bir nechta yaqin qarindoshlarim borligi sababli butun respublika parchalanarmush. Meni kuldirma. Siyosatshunoslik qulog‘ingizdan tomayotgan bo‘lsa, jiddiyroq masalalar bilan shug‘ullaning”,– deydi u.

Qodirovning aytishicha, uni qonunni buzganlikda ayblashsa, bu ikki barobar kulgili. Checheniston rahbarining ta’kidlashicha, respublikasida qonun hamma narsadan ustundir!

“Minglab chechenlar respublikamiz Konstitutsiyasi uchun jonlarini fido qildilar. Ular orasida mening do'stlarim, qarindoshlarim va men uchun eng aziz inson - Otam bor. Hozirgi amaldorlarning asosiy ulushi Qodirov jamoasining o'z hayotini xavf ostiga qo'ygan birinchi a'zolaridir. Ha, ular orasida mening qarindoshlarim ham bor”,– deydi Checheniston rahbari.

Qodirovning ta’kidlashicha, qonun sharofati bilan Checheniston Respublikasi bugungi kunda Rossiyaning eng xavfsiz mintaqalaridan biri hisoblanadi.

“Qayta-qayta aytganlarimni ham unutmang: har qanday muassasa va har qanday lavozimdagi qarindoshlarimdan qilinadigan talab boshqalarnikidan o‘n barobar ko‘p, chunki ular men tufayli emas, menga qaramay ishlashlarini isbotlashlari kerak. Kimga ishonsam, tayinlayman. Natija va fidoyilik men uchun muhim. Bu "Behuda mehnat" artelidagi qandaydir tom ma'noda siyosatshunos aytadigan gap emas”,– deya xulosa qilgan Ramzan Qodirov.

• Checheniston
• Ramzan Qodirov