Kerakli masalliqlar:

– Qaymoq – 180 gr

– Vanil tayoqchasi – 1 dona

– Tvorogli pishloq – 150 gr

– Maskarpone pishlogʻi – 150 gr

– Qandupa – 90 gr

– Limon sedrasi

– Joʻxori kraxmali – 11 gr

– Tuxum – 2 dona

Asos uchun:

– Pechenye – 120 gr

– Sut

Malinali nachinka uchun:

– Kukunsimon jelatin – 3 gr

– Malina pyuresi – 100 gr

Tayyorlanishi:

1. Vanil tayoqchasi oʻrtasidan ikkiga boʻlinadi, urugʻlari tozalab tashlanadi va tayoqcha qaymoq ichiga solinadi. Qaymoq olov ustiga qoʻyib, qaynash holatiga keltiriladi. Aralashma ustiga oziq-ovqat plyonkasi yopiladi va xona haroratida sovitiladi.

2. Maskarpone pishlogʻi, tvorogli pishloq, qandupa va limon sedrasi oʻzaro qorishtiriladi.

3. Aralashma ichiga joʻxori kraxmali solinadi.

4. Masalliqlar ustidan 2 ta tuxum chaqiladi.

5. Qaymoq ichidagi tayoqcha olib tashlanadi. Sovigan qaymoq asta-sekinlik bilan asosiy massa ustidan quyiladi.

6. Aralashma yurakcha shaklidagi qoliplar ichiga solib chiqiladi va muzlatgichga joylanadi.

7. Asos uchun pechenye uvoqlanadi va ustidan sut quyib, aralashtiriladi. Tayyor massa sochiluvchan xamir kabi yumshoq boʻlishi kerak.

8. Aralashma yordamida qoliplarning ochiq qolgan qismi yopib chiqiladi. Shirinliklar muzxona ichiga 40 daqiqaga solib qoʻyiladi.

9. Jelatin 15 ml sovuq suvga solib ivitiladi.

10. Malina pyuresi qaynash holatiga keltiriladi. Jelatin pyure ustidan quyiladi.

11. Aralashma olov ustidan olib, sovitiladi. Pyure kichik yurakcha shaklidagi qolipchalar ichiga quyib chiqiladi va muzxonaga solib qoʻyiladi.

12. Chizkeyklar qolipdan ajratib olinadi. Asosning ustki qismi malinali “yurakcha” bilan bezatiladi.

Manba

• Dekret
• Foydali