Taomni yaxshi chaynagan, kam chaynaganga nisbatan kam yeb-ichadi. Chunki taom quvvatini kamchiliksiz qabul qilgan bo‘ladi.

Aralash yeyishning zarari kamayadi.

Hazm jarayoni qisqaradi.

Oshqozon, oshqozon osti bezi, jigar va buyraklarning ishi osonlashadi.

Oz ferment (insulin ham) sarflanadi.

Oshqozon, ichak, jigar, oshqozon osti bezi, immunitet tizimi, diabet, shish, saraton, allergiya, tish chirishi, nerv va ruhiy kasalliklaridan saqlangan bo‘ladi.

Mavjud kasalliklar yengillashadi.

Semizlikdan qutiladi va hokazo. Olimlar narkotik, sigaret va alkogolga mukkadan ketish va boshqa psixologik va nerv kasalliklarining negizida ham kam chaynash yotishiga amin bo‘lishgan. Yaxshi chaynalmagan taom jigar, taloq va yurakka og‘ir yuk bo‘ladi. A’zolarning bu holati ruhiy muvozanatni buzadi.

Allomalar: “Luqmani katta olgan va yaxshi chaynamagan kishi telbalikka yuz tutadi”, deyishgan. Hazmsizlik, qandli diabet kasalligi, oshqozon, ichak, jigar, taloq va butun sog‘liqqa oid muammolardan qutulish uchun to‘g‘ri oziqlanish va ovqatni yaxshi chaynash kifoyadir.

Bu satrlarni o‘qiganlar bolalarni noto‘g‘ri oziqlantirib, ularni qanchalik katta tahlikaga sudrayotganlarini bilishlari kerak. 1,5 yoshgacha chaynashni bilmagan, ona sutidan tashqari ozuqalarni hazm qila olmaydigan, johil ota-onalardan muhofazasiz qolgan bechora bolalarga zo‘rlab taom yediradiganlar berayotgan taomini, hech bo‘lmasa, chaynab berishlari kerak.

 “Haqiqiy tibbiyot” kitobidan

• Foydali
• Tavsiya
• salomatlik