Avstraliya va Antarktida oʻrtasida joylashgan Yangi Zelandiya sayohatlar rejalashtirilayotgan vaqtda koʻpincha eʼtibordan chetda qolib ketadi. Aslida esa ushbu mamlakat maydoni Yaponiya hududi bilan teng keladi, oʻlkada 4,5 million kishi hayot kechiradi. Orolning tub aholisi boʻlmish maorilar bu yerga miloddan avvalgi 1250-yilda kelib joylashishgan.

Yangi Zelandiya nomini eshitgan paytingizda koʻz oldingizga tabiat manzaralari kelishi tabiiy. Mamlakat hududining toʻrtdan uch qismini tabiat qoʻriqxonalari tashkil qiladi. Bu esa uning hududidagi qoʻriqxonalarning hali koʻp yillar davomida bugungi kundagidek holatda qolishini anglatadi.

Yangi Zelandiyada kivi soʻzi hech qachon mevaga nisbatan qoʻllanilmaydi. Mamlakat hududida yashovchi qush turi, shuningdek oʻlkada yashaydigan odamlarning barchasi kivi deb ataladi.

Yangi Zelandiya 1642-yilda gollandiyalik dengizchi Abel Tasman tomonidan kashf qilingan. U jamoasining bir nechta aʼzolari mahalliy maorilar tomonidan oʻldirilgandan keyin mamlakatni tark etgan. Shundan keyin 1769 yilga qadar ushbu orolga yevropaliklar tashrif buyurmadilar. 1769-yili kapitan Jeyms Kuk orolga suzib keldi va uni xaritalarga ham kiritdi. Yangi Zelandiyaga yevropaliklar yetib kelmagunlariga qarab mahalliy maorilar pul nima ekanligini bilishmagan.

Yangi Zelandiya odamlari tong yorishishini boshqalarga nisbatan oldinroq koʻrishadi.

Vellington – Yangi Zelandiya poytaxti va kattaligi jihatidan mamlakatda ikkinchi oʻrinda turuvchi shahar. U turistik infratuzilma va betakror maskanlarga ega.

Yangi Zelandiya korrupsiya koʻrsatkichlari eng past boʻlgan mamlakatlar qatorida Daniyadan keyingi ikkinchi oʻrinda turadi.

Kivi qushi ucha olmasa ham Yangi Zelandiya HHK ramzi hisoblanadi.

Everestni zabt etgan tarixdagi birinchi odam Edmund Xillari kivi (yangi zelandiyalik) boʻlgan.

Qirolicha Yelizaveta II Yangi Zelandiya hukmdori sanaladi. U parlament tomonidan qabul qilingan har bir qonunni tasdiqlab beradi.

Yangi Zelandiya hududida ilon yashamaydi.

Oklend – dunyodagi eng xavfsiz shaharlardan biri hisoblanadi.

Yangi Zelandiya hududida “Uzuklar hukmdori”, “Xobbit”, “King-kong”, “Soʻnggi samuray” kabi mashhur filmlar suratga olingan.

• Tarix
• qiziqarli