G‘azo shimolidagi “Kamol Advan” shifoxonasi rahbari doktor Hussam Abu Safiye bemorlar va tibbiyot xodimlari bilan birgalikda xalqaro hamjamiyatga shoshilinch murojaat qildi. Ular murojaatlarida butun dunyodan Isroil hujumlarini to‘xtatish va yordam sifatida jo‘natilayotgan oziq-ovqat va dori-darmonlarning G‘azo hududiga kirishini ta’minlash uchun zudlik bilan choralar ko‘rishlarini so‘ragan.

Abu Safiyening so‘zlariga ko‘ra, tibbiyot muassasasi bir haftadan buyon doimiy ravishda o‘qqa tutilmoqda. Hujumlar kasalxonaning 18 nafar xodimiga, shu jumladan direktorning o‘ziga ham salbiy ta’sir ko‘rsatgan.

“Men va xodimlarimning hayotiga tahdid yuqori bo‘lishiga qaramay, biz ishlashda davom etmoqdamiz. Yuzlab insonlarning hayotini saqlab qolish uchun bizga zudlik bilan yordam kerak”, – deydi u.

G‘azo shimolidagi asosiy tibbiy punktlardan biri bo‘lgan “Kamol Advan” kasalxonasi Isroil tomonidan qo‘yilgan jiddiy blokada tufayli dori-darmon va asbob-uskunalar tanqisligini boshdan kechirmoqda.

• G‘azo
• Isroil
• Murojaat
• shifoxona