Ma’lumotlarga ko‘ra, kecha, 3-fevral kuni Londonda Isroil hujumlari oqibatida 27 mingdan ortiq odam halok bo‘lgan G‘azoda zudlik bilan o‘t ochishni to‘xtatishga chaqirish uchun namoyishchilar ommaviy miting o‘tkazdi. Bu haqda “gnt24.com” sayti ma’lum qilgan.

Falastinliklar bilan birdamlik uchun minglab odamlar Portlend Place’dagi BBC shtab-kvartirasi oldida to‘plangan va keyinroq Uaytxolldagi Bosh vazir idorasi tomon marsh uyushtirishgan.

Ta’kidlanishicha, Falastin bayroqlarini ko‘targan olomon, Isroilning G‘azoga hujumlarini to‘xtatish chaqirig‘i bilan shiorlar aytib, Britaniya hukumatini Isroilni qo‘llab-quvvatlagani uchun sazoyi qilgan.

Ular, shuningdek, “Falastinga ozodlik”, “Genotsidni to‘xtating” va “Hoziroq sulh tuzilsin” kabi turli yozuvlarni ko‘tarib olgan.

• Falastin
• Isroil
• London
• Namoyish