Belarus prezidenti Aleksandr Lukashenko xorijiy davlatlar rahbarlariga, jumladan, O‘zbekiston Respublikasi Prezidenti Shavkat Mirziyoyevga Ikkinchi jahon urushida qo‘lga kiritilgan g‘alabaning 77 yilligi munosabati bilan tabrik yo‘lladi.

Bu haqda Belarus prezidenti  matbuot xizmati xabar berdi.

Maʼlum qilinishicha, Lukashenko Ozarbayjon, Armaniston, Qozog‘iston, Qirg‘iziston, Moldova, Rossiya, Turkmaniston, Tojikiston va Gruziya prezidentlariga tabrik yo‘llagan.

Aleksandr Lukashenko, shuningdek, Ukraina xalqini ham 9*may bilan tabriklagan.

Lukashenko ukrain xalqiga yo‘llagan tabrigida ayni paytda Ukrainadagi vaziyat belarus xalqining tinchlik qadrini har qachongidan ham ko‘proq his qilishiga turtki bo‘lganini taʼkidlaydi.

“Ukraina zaminida sodir bo‘lgan fojiali voqealar 20-asrning birinchi yarmida to‘plangan dahshatli tajriba hech kim uchun hech narsani anglatmasligidan dalolat beradi.
Sovet xalqi fashizm ustidan qozonilgan g‘alabada butun dunyoni xavotirga solgan halokatli yukni o‘z yelkasiga olib jasorat ko‘rsatgan edi. Bugun esa bu tarixiy haqiqatni buzib, g‘alabadagi ajdodlarimizning rolini kamsita olmaydi”, – deyiladi tabrikda.

• 9-may
• Belarus
• Lukashenko
• Mirziyoyev