Sirdaryo viloyati hokimining raqamlashtirish bo‘yicha maslahatchisi – IT Park Sirdaryo filiali rahbari Oybek Anvarov “Upstream” BPO kompaniyasi direktori Ahmed Qayyum bilan uchrashdi. Bu haqda Sirdaryo viloyati hokimligi xabar berdi.

Unda kompaniya faoliyati bilan yaqindan tanishish barobarida hamkorlik yo‘nalishlari va istiqbolli loyihalari amalga oshirish masalalari muhokama qilingan. O‘zbekistondagi IT Park’larni qo‘llab-quvvatlash bo‘yicha qabul qilingan dasturlar va soliq imtiyozlari haqida xorij kompaniyasi vakillariga batafsil ma’lumot berilgan.

“Upstream” dasturiy ta’minotlarni ishlab chiqaruvchi autsors kompaniya bo‘lib, 2 mingdan ziyod xodimlari va dunyo bo‘ylab bir nechta filiallari mavjud. Kompaniyaning yillik daromadi 20 million AQSh dollarini tashkil etadi.

Yakunda viloyatda kompaniyaning filialini ochish bo‘yicha o‘zaro kelishuvga erishilgan.

• IT
• Malayziya
• Sirdaryo