Turkiyada yomg‘irdan keyin dengiz qirg‘oqlaridan toshib, yirik shaharlarni suv bosdi. 2 nafar inson halok bo‘ldi, 10 nafar kishi yaralandi. 47 provinsiyada so‘nggidan oldingi “to‘q sariq” tahdid darajasi e’lon qilingan.

Gruziyadagi yomon ob-havo Gruziya harbiy yo‘li bo‘ylab yuk mashinalari harakatining vaqtinchalik to‘xtatilishiga sabab bo‘ldi. Rossiya tomonida kiraverishda 2100 ta mashina yo‘l ochilishini kutmoqda.
Ozarbayjon Favqulodda vaziyatlar vazirligi kuchli shamol tufayli aholiga murojaat qildi. Fuqarolarni ogoh bo‘lishga, xavfsizlik choralariga rioya qilishga chaqirgan.

Dog‘istonda 82 ta aholi punktida 100 ming kishi elektr ta’minotisiz qoldi. Favqulodda vaziyatlar vazirligi ma’lumotlariga ko‘ra, avariya holatini tiklash ishlariga 27 energetik brigada jalb etilgan. Bugun shamol 15-20 m/s gacha kuchayishi kutilmoqda.

• Gruziya
• Ozarbayjon
• Tabiiy ofat
• Turkiya