31°
Kechasi 18°
Seul markaziy tuman sudi Janubiy Koreya sobiq prezidenti Yun Sok Yolni 2024-yil dekabrida harbiy holat joriy etish orqali isyonga rahbarlik qilganlikda aybdor deb topib, umrbod qamoq jazosiga hukm qildi. Bu haqda Yonhap xabar berdi.
Yun Sok Yol deputatlarning uning farmoniga qarshi ovoz berishiga to‘sqinlik qilish maqsadida Milliy assambleya (parlament) binosi hududini qurshab olish uchun qo‘shin va politsiya yuborishda, shuningdek, parlament spikeri hamda o‘sha paytdagi hukmron va asosiy muxolifat partiyalari yetakchilarini hibsga olishni tashkillashtirishda ayblandi.
Ayblov xulosasiga ko‘ra, Yun Sok Yol sobiq mudofaa vaziri Kim Yon Xyon va boshqa rasmiy shaxslar bilan isyon uyushtirish uchun til biriktirgan hamda mamlakatda urush yoki shunga o‘xshash favqulodda holat mavjud bo‘lmagan bir sharoitda noqonuniy ravishda harbiy holat e’lon qilganlikda ayblangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
