Ramazon hayiti arafasida adashib jinoyatga qo‘l urgan, lekin aybini chuqur anglab, tuzalish yo‘liga qatʼiy o‘tgan 65 nafar fuqaroni afv etish bo‘yicha Prezident farmoni imzolandi. Bu haqda Prezident mabuot xizmati maʼlum qildi.

Qayd etilishicha, mutasaddilarga ushbu fuqarolar bayramni o‘z uyida, yaqinlari bag‘rida kutib olishlari uchun barcha sharoitlarni yaratish bo‘yicha topshiriq berildi.

Shu bilan birga, viloyat, tuman va shahar hokimlari, sektor rahbarlari oldiga bayram yuqori saviyada o‘tishini taʼminlash vazifasi qo‘yildi.

“Ulug‘ mutafakkir Mir Alisher Navoiy bobomiz aytganlaridek, odamlarning dardiga darmon bo‘lish – insoniylikning oliy namunasi ekanini unutmasligimiz, bunday ezgu ish uslubi bizning nafaqat xizmat vazifamiz, shu bilan birga, vijdoniy burchimizga aylanishi kerak”, – dedi Prezident so‘zining yakunida.

• Avf
• Farmon
• Prezident