Marca nashrining xabar berishicha, Ispaniyaning “Barselona” klubi mavsum yakunida bosh murabbiy Xans-Diter Flik bilan xayrlashishi ehtimoli bor. Manbalarga ko‘ra, germaniyalik mutaxassisning kelajagi klub prezidentligi saylovlari natijasiga bevosita bog‘liq.
Agar amaldagi prezident Xuan Laporta lavozimida qolmasa, Flik ham jamoani tark etishi mumkin. Qayd etilishicha, murabbiy o‘zini Laporta jamoasining bir qismi deb hisoblaydi va faqat uning rahbarligi saqlanib qolgan taqdirdagina klubdagi faoliyatini davom ettirishga tayyor.
“Barselona” prezidentligi saylovlari 15-mart kuni bo‘lib o‘tadi. Xans-Diter Flik 2024-yil yozidan buyon kataloniyaliklar jamoasini boshqarib kelmoqda. Tomonlar o‘rtasidagi amaldagi shartnoma 2027-yil iyun oyiga qadar amal qiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!