Suv — oltinga teng resurs. Prezidentning yangi qarori bilan O‘zbekistonda suvdan samarali foydalanishni qo‘llab-quvvatlashning mutlaqo yangi tizimi joriy etilmoqda.

Nimalar o‘zgarmoqda?

Katta maqsad: 2028-yilgacha 3,5 million gektar yerda tejamkor sug‘orish tizimi o‘rnatiladi. Bu orqali yiliga 5 milliard kub metr suv tejab qolinadi.

🔘Moliyaviy ko‘mak: 2026-yilning o‘zida banklar 2,6 trillion so‘m kredit beradi, davlat esa 800 milliard so‘m subsidiya ajratadi.

🔘Yangi qoida: Endi texnologiyani o‘z puliga qurmoqchi bo‘lganlarga subsidiyaning 50 foizi oldindan ("avans" sifatida), qolgan yarmi ish bitgach to‘lab beriladi.

🔘Xitoy tajribasi: Suvni boshqarish bo‘yicha mutaxassislarimiz Xitoyning Shinjon tajribasi asosida o‘qitiladi.

Bu nima beradi? Birinchidan, suv taqchilligi sharoitida ekinlarni kafolatli suv bilan ta’minlash imkoniyati yaratiladi va suv isrofi keskin kamayadi. Ikkinchidan, fermer va dehqonlar uchun moliyaviy yuk kamayib, zamonaviy texnologiyalarni joriy qilish orqali hosildorlik va daromad oshadi. Uchinchidan, suv ta’minoti og‘ir bo‘lgan chekka hududlardagi yerlarda ham takroriy ekin yetishtirish va qo‘shimcha rizq yaratish imkoni paydo bo‘ladi.

• Kredit
• Suv