Tegishli qonun loyihasi bilan Soliq kodeksining 75-moddasiga o‘zgartish va qo‘shimcha kiritilmoqda.

Unga ko‘ra, 2022-yil 1-iyuldan boshlab ushbu kodeksning 483-moddasiga, O‘zbekiston Respublikasi Prezidentining va Vazirlar Mahkamasining qarorlariga asosan yuridik shaxslarning mol-mulkiga solinadigan soliq va yuridik shaxslardan olinadigan yer solig‘i bo‘yicha berilgan to‘liq ozod qilish ko‘rinishidagi soliq imtiyozlariga ega bo‘lgan soliq to‘lovchilarga, ko‘rsatilgan soliqlarni ushbu soliqlardan hisoblangan summaning bir foiz miqdorida to‘lashini nazarda tutuvchi tartib kiritilmoqda.

Mazkur o‘zgartirishga Prezidentning 2021-yil 30-dekabrdagi PQ-73-sonli qarorining 14 bandi asos bo‘lib, bundan ko‘zlangan maqsad yuridik shaxslarga tegishli bo‘lgan ko‘chmas mulk obyektlari va yer uchastkalaridan samarali va oqilona foydalanishni, shuningdek Kadastr organlarida ularning to‘liq hisobini yuritishni ta’minlash hisoblanadi. 

Qonun loyihasi Moliya vazirligi tomonidan ishlab chiqilgan. 

• Loyiha
• Soliq