Goʻzallik salonida faoliyat yuritadigan ayol sartaroshlar oʻz mijozlarini yoʻqotib qoʻymaslik uchun koʻp narsalarni sizga aytishmaydi. Biroq soch va tashqi koʻrinishni oʻzgartirish ularning kasbi boʻlgani bois bu qoidalarni juda yaxshi bilishadi. Keling, bugun siz ham ularning sirlaridan boxabar boʻling.

1. Har ikki oyda sochingizni qirqmang

Sochingiz chinakam uzun va chiroyli boʻlib oʻssin desangiz, yaltiroq muqovali jurnal sahifalarida yozilib, stilistlar aytganidek, tez-tez qirqib turishingiz shart emas.

– “Agar siz maslahatlarga amal qilib, sochingizni tez-tez kestirib yursangiz, hech qachon sochingizni oʻstira olmaysiz. Oʻstirish uchun sochlaringizni sogʻlom saqlashingiz kerak: maslahatlarga amal qilib, yiliga ikki marta sochingizni kestiring. Ishoning, bu yetarli”, – deydi Nyu-Yorkdagi moda haftaligi stilisti Justin Marjan.

2. Sochi xuddi siznikiga oʻxshash yulduzlarni kuzating

Stilistlar sochi xuddi siznikidek uzunlikda boʻlgan shou-biznes yulduzlarini koʻproq kuzatishni maslahat bermoqda. Ana shunda siz oʻzingizga yoqqan soch turmagini topib olishingiz mumkin.

“Siz kabi bir xil tuzilish va soch rangiga ega boʻlgan yulduzlarga eʼtibor bering. Agar ular sochlarini chiroyli qilib turmaklay olsa, siz oʻzingizga mosini osongina topa olasiz. Axir ular bilan dunyoning eng mashhur stilistlari ishlaydi”, – deya taʼkidlaydi malika Raniya hamda Klaudiya Shifferning stilisti Eloiz Chang.

3. Maʼlum obrazga asta-sekinlik bilan oʻting

Professionallar obrazni oʻzgartirishga asta-sekinlik bilan kirishish lozim, deb hisoblaydi. Ayniqsa, bu qoida tubdan oʻzgarishlarga taalluqli.

“Boshingiz bilan hovuzga shoʻngʻimang! Baʼzan soch turmagi avvalgi koʻrinishiga qaytishi uchun bir necha oy vaqt ketadi. Bunga yillar sarf boʻlishi ham mumkin”, deydi Eloiz Chang.

4. Istalgan soch rangiga bir urinishda erishib boʻlmaydi

Sartaroshxonada soch rangini chiqarish haqiqiy sanʼat hisoblanadi. Ideal rangni faqat bir necha urinishdan soʻnggina hosil qilish mumkin.

“Tanasining ranggi bugʻdoyrang, sochi jigarrang ayol bir yumalab sariqsochga aylanishi qiyin. Ammo kerakli rang hosil qilish uchun oʻzingiz va sartaroshingizga vaqt bering” – deydi Nyu-yorklik sartarosh Diaz.

5. Har doim nima istayotganingizni fotosurat yordamida koʻrsating

Sochingiz qanday rangda boʻlishi, yoki qay uslubda kestirishni istayotganingizni fotosurat yordamida sartaroshga koʻrsating.

“Mijozlar stilist uni tushunayotganini his qilsa, oʻzlarini yana-da qulay his qiladi. Buning uchun sizni ilhomlantiradigan soch turmagi fotosuratini koʻrsatish kifoya. Stilistlar qaysi yoʻnalishda harakatlanish va oynada nimani koʻrishni xohlayotganingizni tushunishlari juda muhimdir” – deydi Nyu-yorklik sartarosh Francyesca.

6. Oʻz ideal sartaroshingizni toping

Sartarosh – bu sizning imijingizni yaratadigan odam. Shuning uchun u bilan aloqa oʻrnatish – maqsadga muvofiq.

“Stilist bilan gaplashing. Uni shaxs sifatida tahlil qilib koʻring. Sartarosh sizni eshitib, soʻzsiz tushunishi juda muhimdir. Agar xohishingizga beparvo boʻlsa, sochlaringizni unga ishonib topshirmang. Natija sizga maʼqul kelmasligi mumkin”, deya soʻzlarini yakunlaydi malika Raniyaning stilisti Eloiz Chang.

• Foydali
• Tavsiya
• qiziqarli