O‘zbekiston Respublikasi Oliy Majlisi Senatida bo‘shab qolgan o‘rinlar uchun saylov bo‘lib o‘tdi. Bu haqda Navoiy viloyati hokimligi matbuot xizmati xabar berdi.
Qayd etilishicha, Navoiy viloyati Navoiy shahri “Yoshlar markazi” binosida bo‘lib o‘tgan xalq deputatlari viloyat, tuman va shahar kengashlarining qo‘shma yig‘ilishida Markaziy saylov komissiyasi Raisi Zayniddin Nizomxodjayev ham ishtirok etgan.
Senat aʼzoligiga Navoiy viloyati hokimi Normat Tursunov nomzodi ilgari surilgan hamda yashirin ovoz berish jarayonlari o‘tkazilgan. Sanoq komissiyasi xulosasiga ko‘ra, qo‘shma majlisda 312 nafar deputat qatnashib, ulardan 309 nafari nomzodni yoqlab ovoz bergan va u Oliy Majlis Senati aʼzoligiga saylangan.
Qayd etish mumkin, Normat Tursunov To‘lqunovich joriy yilning 25-noyabr kuni Prezident Shavkat Mirziyoevning Navoiyga tashrifi davvomida viloyat hokimi lavozimiga tayinlangan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!