31°
Kechasi 18°
Navoiyda viloyatida avtomobilni jarima maydoniga olib ketayotgan YPX xodimi do‘pposlangani aks etgan video yuzasidan YHXBB matbuot xizmati rasmiy ma’lumot berdi.
2022-yil 22-yanvar kuni soat 12:20larda, Navoiy viloyati, Navbahor tumani hududidan o‘tuvchi A-379 avtomobil yo‘lining 3-kilometrida YPX xodimi D.Toshov tomonidan Matiz rusumli avtomobil haydovchisi to‘xtatilgan. Tekshiruv davomida haydovchi yo‘lovchi tashish faoliyati bilan shug‘ullanishi, uning yonida kunlik yo‘l varaqasi mavjud emasligi ma’lum bo‘lgan.
Shundan so‘ng, YPX xodimi tomonidan haydovchiga nisbatan ma’muriy bayonnoma tuzilib, avtomobil vaqtincha saqlash uchun jarima maydoniga olib ketilayotgan vaqtda, haydovchi, 1993-yilda tug‘ilgan A.T. YPX xodimiga faol qarshilik ko‘rsatgan va tortishuvli vaziyat yuzaga kelgan.
Holat sodir bo‘lgan joyga tuman IIB tezkor-tergov guruhi va prokuratura xodimlari chiqib, tegishli hujjatlar rasmiylashtirishgan. Hozirda tuman prokuraturasi tomonidan surishtiruv harakatlari olib borilmoqda, deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
