Isroil Bosh vaziri Binyamin Netanyaxu, XAMAS G‘azodagi asirlarini ozod qilmaguncha, o‘t ochishni to‘xtatishga yana bir bor rad javobini berdi, biroq odamlarning harakatlanishi va yordam ko‘rsatishi uchun "taktik kichik pauzalar"ga ochiqligini bildirdi. “G‘azoda garovga olinganlarni ozod qilmasdan turib, hech qanday sulh, umumiy o‘t ochishni to‘xtatish bo‘lmaydi”, dedi Netanyaxu dushanba kuni ABS News telekanaliga bergan intervyusida.

Shuningdek, Netanyaxu gumanitar yordamlarni o‘tkazish evaziga garovga olinganlarni ozod qilinishini aytgan. Shu tomonlama kelishuv bo‘lishi mumkin, biroq umumiy sulh bo‘lmasligini ochiq bildirgan. Isroil rasmiylarining aytishicha, kamida 1405 kishi, asosan tinch aholi halok bo‘lgan. Isroilning eng yaqin ittifoqchisi bo‘lgan Qo‘shma Shtatlar Netanyaxuni anklavga yordam berish uchun "gumanitar pauzalar"ga rozi bo‘lishga majbur qildi, ammo Isroil rahbarining to‘liq o‘t ochishni to‘xtatishga qarshiligini qo‘llab-quvvatladi.

Sog‘liqni saqlash vazirligi ma’lumotlariga ko‘ra, bir oy davom etgan urush davomida G‘azoda kamida 10 022 falastinlik, jumladan, 4 100 dan ortiq bolalar halok bo‘lgan.

Netanyaxu Isroil urushdan keyin G‘azo xavfsizligini boshqarishini taklif qildi. "Menimcha, Isroil noma’lum muddatga ... umumiy xavfsizlik mas’uliyatini o‘z zimmasiga oladi, chunki biz xavfsizlik mas’uliyatiga ega bo‘lmaganda XAMASning nima qilganini ko‘rdik", degan Netanyaxu.

• Bitim
• Falastin
• Isroil
• Urush