Oq uy matbuot kotibining ma’lum qilishicha, Netanyaxu G‘azoda gumanitar tanaffuslar qilishga rozi bo‘lgan.

Isroil bosh vaziri Netanyaxuning idorasi bir necha kundan beri qochqinlar uchun koridorlar ochilayotganini bildirgan.

Oq uy matbuot kotibi Kirbining so‘zlariga ko‘ra, gumanitar tanaffuslar to‘rt soat davom etadi, ular boshlanishidan taxminan uch soat oldin ogohlantiriladi. Pauzalar vaqtida ikkita gumanitar koridor ishlaydi, bu esa tinch aholiga sektorning janubiga ko‘chib o‘tish imkonini beradi.

“Isroilliklar bizga pauza vaqtida bu hududlarda hech qanday harbiy amaliyotlar o‘tkazilmasligini aytdi”, — degan Oq uy matbuot kotibi.

Isroil AQSh bilan maslahatlashuvlar, jumladan, bosh vazir Binyamin Netanyaxu va prezident Jo Bayden o‘rtasidagi suhbatdan keyin gumanitar pauzalarni boshlashga qaror qilgan.

• AQSh
• Falastin
• Isroil
• Oq uy