Nobel mukofotini qoʻlga kiritgan eng yosh laureat sifatida tarixga kirgan Malala Yusufzay Asser ismli yigit bilan oila qurdi. 24 yoshli Malala ijtimoiy tarmoqdagi sahifasiga turmush oʻrtogʻi bilan tushgan suratini joylashtirgan. “Bugun hayotimdagi unutilmas kun. Biz Asser bilan umrimizning soʻngiga qadar birga boʻlish uchun nikohdan oʻtdik”, deyiladi surat ostiga qoldirilgan izohda.
Maʼlum boʻlishicha, yoshlar kamtarona toʻy marosimi bilan cheklanganlar. Nikoh marosimi musulmonchilik urf-odatlariga binoan Birmingemda oʻtkazilgan.
Maʼlumot uchun, asli pokistonlik boʻlgan Malala Yusufzay 11 yoshidan blog yuritishni boshlagan, u oʻz blogida “Tolibon” harakatini keskin tanqid qilgan. 2012-yilning 9-oktyabr kuni Malala maktabdan uyga qaytish chogʻida jangarilar tomonidan otib ketilgan. 2014-yilda esa tinchlik yoʻnalishi boʻyicha Nobel mukofotiga munosib koʻrilgan va ushbu nufuzli mukofotni qoʻlga kiritgan eng yosh laureatga aylangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!