Olcha — vitamin, mikroelement va biologik faol moddalar jamlangan nordon va xushta’m mevadir. Bu kabi foydali moddalar mevasida, bandida, barglarida va hatto po‘stida ham uchraydi.

Xorijlik olimlarning tadqiqotlariga ko‘ra, 12 hafta davomida olcha sharbatini shakarsiz qabul qilish natijasida keksa odamlarda oksidlovchi stress bio-markerlari soni kamayadi.

Olcha bargi qaynatib iste’mol qilinsa, gripp, isitma, yo‘taldan tezroq tuzalishga yordam beradi. Yosh bolalar va keksalarda og‘irroq kechadigan bronxit kasalida olcha mevasini qaynatib ichish tavsiya etiladi.

Tarkibida V guruh vitaminlari, pektinni saqlagan olcha nafaqat tinchlantiradi, uyquni tiniqlashtiradi. Balki yaxshigina ozdiradi ham. Bu mevani kuniga 3 mahal, 10 donadan ovqatdan oldin yeyilsa, oy davomida 5-8 kilogacha vazn tashlash mumkin.

Biroq, bir vaqtning o‘zida 100 grammdan ortiq olcha iste’mol qilmaslik yoki 100 grammdan ortiq olcha sharbatini ichmaslik lozim. Ortiqcha iste’mol tish emalining buzilishiga olib keladi. Oshqozon yarasi, qandli diabetdan aziyat chekuvchilar kamroq yeyishi tavsiya etiladi.

Olchani qanday tanlaymiz?

Mevani tanlashda uning shoxchasi yashil bo‘lishiga e’tibor berish lozim. Bu mevaning yangi uzilganini bildiradi. Xomligicha olchani sovutgichda atigi 2 kun saqlash mumkin. Uzoqroq saqlash uchun danagidan ajratib muzlatib qo‘yish kerak. Shu holatda uni 6 oygacha saqlash mumkin.

• Meva