Bir necha kun oldin Osiyoning eng badavlat odami deb atalgan hindistonlik milliarder Mukesh Ambani o‘g‘lining to‘yi munosabati bilan yakuniy tantana bo‘lib o‘tdi. Jami to‘rt oy davom etgan dabdabali bayramga qariyb 600 million dollar sarflangan.

To‘y oldidan milliarderning merosxo‘ri tanib bo‘lmas darajada o‘zgargan. 29 yoshli Anant Ambani turli vaqtlarda 88 dan 208 kg.gacha bo‘lgan. To‘y marosimi arafasida u shaxsiy murabbiy bilan ishlashni va ikki baravar tirishqoqlik bilan to‘g‘ri ovqatlanishni boshlagan. Yakunda u tarozi bo‘yicha 108 kg ko‘rsatkichga erishgan.

Kichik Ambani salomatlik va vazn yo‘qotish yo‘li 2014-yilda boshlangan, unga astma va yurak muammolari tashxisi qo‘yilgan bo‘lib, keyinchalik endokrin tizimi bilan bog‘liq muammolar yanada kuchaygan. Yigit tez ovqatlanishdan butunlay voz kechgan va sport bilan shug‘ullangan. Yoga, kuch mashqlari va yurishga e’tibor qaratgan.

“Anant barcha keraksiz oziq-ovqatlarni shakar va uglevodlarda kam, ammo ta’sirchan protein darajasiga ega ovqatlar bilan almashtirdi. Uning diyetasining asosiy qismini meva va sabzavotlar, yasmiq va dukkaklilar tashkil qiladi. U kuniga 1200-1400 kkal iste’mol qiladi”, deyiladi xabarda.

• Hindiston
• milliarderlar